正所謂一物治一物,夫妻之間嘅相處除咗要兩情相悅之外,好多時候反而系惺惺相識,越鬧越恩愛。點解咁講?睇下圈中公認嘅恩愛夫妻陳小春同應采兒就知道啦。結婚8年,兩公婆經歷過七年之癢越愛越甜蜜,仲時不時全家出動揾真銀,喺屏幕前同大家放閃,呢個簡直就系放閃嘅最高境界!
  
  應采兒自爆佢同陳小春嗰啲夫妻瑣事簡直毫無保留,佢成日上節目講佢點同陳小春相處,簡單嚟講就系,你惡?我仲惡過你。
  
  佢話自己曾經打喊過陳小春,大家都知道山雞哥脾氣火爆,成日都擺住副chock樣,真系冇幾多個女仔能夠消受,點知應采兒一啲都唔驚。
  
  應采兒仲成日學小春發嬲個樣,超級搞笑架,小春都冇佢符呀!娶咗個老婆應采兒仲惡過佢。自己揀嘅老婆,喊住都要同佢過世啊!
  
  有其女必有其父,小春個外父外母都系搞笑底。應采兒自爆小春第一次去佢屋企拜見外父外女,仲叫應采兒老竇“叔叔”,點知俾應采兒老竇窒返佢,話“我先大你6歲,你唔好叫我叔叔!”小春即時投嗮降啊!應采兒呢招劍走偏鋒嘅馭夫術真系唔系個個都咁啱用,或者唔系個個男人都好似陳小春咁鐘意你打喊佢,但系對於嗲功,就真系冇幾個男人可以抵擋得住啦。
  
  大S就系用嗲功嚟收服富二代老公汪小菲。喺佢同老公合拍嘅綜藝中,大S真身示范俾大家睇咩叫撒嬌的女人最好命,無時無刻唔系喺度同老公撒嬌!
  
  成日黏實汪小菲,再加上楚楚可憐嘅樣,同甜到漏嘅一聲“老公”,試問汪小菲點招架得住?大S仲有一招剝蝦論,講緊嘅就系大S一定要老公剝蝦俾佢先會食,佢系唔會自己剝蝦嘅。真系夠嗮矜貴,但系汪小菲非常受落,仲表示非常愿意幫老婆剝蝦。
  
  汪小菲仲喺微博同網友爭論,反駁網友嘅質疑。錫老婆嘅男人好似好多,但系錫老公嘅老婆點解好似冇幾個嘅?No... 內地演員郭曉東同佢太太程莉莎就正正相反。程莉莎喺節目上同應采兒大講自己嘅戀愛經歷同婚姻觀,聽到應采兒都嚇一跳!
  
  郭曉東同程莉莎都系演員,郭曉東有名嘅作品唔多,幾年前參加《真正男子漢》呢個綜藝,佢跟住一般演員一齊體驗軍中生活,獲網民大贊佢夠嗮有男人味。
  
  程莉莎性格浪漫,溫柔,當初同郭曉東拍拖分分合合好多次,程莉莎始終最愛嘅都系郭曉東,佢結婚之後對老公百依百順,一切以老公為主,連婚禮都系按照老公嘅意思搞。
  
  唔知系咪太太程莉莎都睇啱佢呢點,程莉莎喺節目中同應采兒毫不掩飾對老公嘅愛慕,直言老公第一,兒子第二。
  
  程莉莎出身城市小康之家,郭曉東就系個窮小子,但程莉莎唔單只毫不介意,仲覺得要維護老公自尊心。其實試問有幾多個女仔可以接受呢種婚禮。所以連應采兒都甘拜下風!系咩令佢為老公咁大犧牲?系愛呀!
  
  愛情呢啲嘢如果可以用道理解釋得通就唔系愛啦。應采兒,大S,程莉莎,佢地嘅婚姻就真系應嗮嗰句老話,如人飲水冷暖自知呀。